ദുരന്ത ജീവിത തിരക്കഥചുരുൾ

“എണ്ണ വറ്റിയിട്ടല്ല..
തിരി തീർന്നിട്ടല്ല..
കാറ്റും മഴയും വന്നു തൊട്ടിട്ടല്ല..
സ്വയമെരിഞ്ഞും തിരളുന്ന വെളിച്ചം
ഒരു മിഴിയും തെളിച്ചില്ലെന്ന തിരിച്ചറിവിൽ..
തനിയെവിറച്ചുംവിതറുന്ന ചൂട്..
ഒരാളെയുംപുണർന്ന് തണുപ്പാറ്റിയില്ലെന്ന നിരാശയാൽ
ഞാനിതാ അണഞ്ഞസ്തമിക്കുന്നു..”
അത്രനേരവും പൊരുതിനിന്ന
ഇരുളിന്റെ ശത്രു സൈന്യത്തോട്
അടിയറവു പറഞ്ഞുകൊണ്ട്
ഒരു ദീപനാളം മൊഴിഞ്ഞു.
“ഒന്നുനിൽക്കണേ ഞാനിതാവന്നു
കഴിഞ്ഞു..” സാന്തനോക്തിയുമായി
എങ്ങു നിന്നോ പറന്നു വന്ന
ശലഭം വെളിച്ചത്തിനെ പുണർന്നു ...
ഇപ്പോൾ തിരശ്ശീലയിൽ ഇരുൾ
ഇരുൾ മാത്രം...